Juristja e mediave, Flutura Kusari, ka shkruar një shkrim relativisht të gjatë për komentet negative në rrjetet sociale.
Me anë të një postimi në Facebook, Kusari ka porositur qytetarët të mos i lexojnë dhe të mos i pelqejnë komentet toksike, denigruese dhe nxitëse.
“Mos i lexoni, mos i bëni share dhe mos i bëni like postimet dhe komentet toksike, denigruese, fyese, nxitëse”, ka shkruar Kusari.
Postimi i saj i plotë:
Rreth komenteve online
Mos i lexoni, mos i bëni share dhe mos i bëni like postimet dhe komentet toksike, denigruese, fyese, nxitëse.
Ju shkaktoni dëm tepër të madh duke ia bë share atyre qoftë në faqen e juaj ose privatisht në grupe.
Ky është problem global, nuk ka zgjidhje të shpejtë. Zgjidhja më e mirë e mundshme për momentin është të mbrojmë shëndetin tonë mendor duke mos i lexuar ato.
Unë e ndjeki praktikën që e mbroj veten jashtëzakonisht shumë nga postimet, videot dhe përmbajtjet e tilla. Miqtë e mi janë të informuar që nuk preferoj me mi dërgu postimet e tilla, prandaj rrallë e hiç më dërgojnë përmbajtje shqetësuese. Numri i faqeve dhe personave që i bllokoj është në rritje rapide dhe vazhdimisht e përdori opsionin hid ad, shoë less, snooze for 30 days etj. Videot nuk më bëhen play automatikisht dhe zëri është mute.
Këto janë masa të vogla por kanë efekt të madh, të paktën tek unë.
Vendosa me shkru pasi më treguan që ka komente negative që ndërlidhen me rastin e Liridonës. Unë asnjë koment negativ nuk e kam lexu sepse nuk i lexoj por le të jetë e qartë që madhështinë e saj dhe të familjës se saj dhe kauzën tonë për drejtësi për Liridonen nuk mund ta dëmtojnë edhe sikur të shkruhen miliarda komente koti online.