Kryeministri Albin Kurti është duke marrë pjesë në Konferencën e Sigurisë në Munih të Gjermanisë.
Kjo është bërë e ditur nga Kurti nëpërmjet një postimi në Twitter, shkruan Demokracia.com.
“Integrimi në BE ka të bëjë me reforma të lidhura me vlerat e BE-së. Me treguesit e mirë ekonomikë dhe me performancën e mirë në sundim të ligjit, ne duhet të marrim më shumë fonde nga BE-ja. I kërkova Johannes Hahnit, komisionarit për Buxhet dhe Administratë, për më shumë mbështetje për arsimin dhe punësimin e të rinjve tanë”, shkroi Kurti në Twitter pas takimit me zyrtarin e BE-së.
EU integration is about reforms linked to EU values. W/ ?? good econ. indicators & performance in rule of law we must receive more funds from the EU. I asked @JHahnEU, ??commissioner for budget & administration for more support for education & employment of our youth.#MSC2022 pic.twitter.com/nzFOjqbHTx
— Albin Kurti (@albinkurti) February 18, 2022
Hahn në kohën sa ka qenë komisioner për Zgjerim dhe Fqinjësi të Mirë në BE, kur ishte pyetur për idenë e korrigjimit të kufijve kishte thënë se për BE-në është e pranueshme çdo marrëveshje ndërmjet Kosovës dhe Serbisë.
Në konferencën e sigurisë në Munih po merr pjesë edhe presidentja Vjosa Osmani dhe ministrja e Punëve të Jashtme dhe Diasporës, Donika Gërvalla. /Demokracia.com/
DOKUMENT| Gërvalla keqpërdor festën e pavarësisë për hesape të Listës Guxo