Kryeministri i Kosovës, Albin Kurti, në një intervistë të dhënë për CNN, i ka etiketuar veprimet e presidentit rus, Vladimir Putin, në Ukrainë si krime të luftës.

“Krimet e tij të tmerrshme që të gjithë po i shohim duke ndodhur në Ukrainën Lindore janë definitivisht krime të luftës dhe u mbetet hetuesve që t’i vërtetojë këto krime kundër njerëzimit dhe këtë gjenocid”, ka thënë Kurti për CNN.

Kryeministri Kurti e ritheksoi përkrahjen e Kosovës për Ukrainën dhe shtoi se ky shtet duhet të pranojë më shumë ndihmë nga NATO-ja.

“Ukraina ka nevojë për më shumë ndihmë nga NATO-ja që nga fillimi e kemi përkrahur përpjekjen e Ukrainës”, shtoi Kurti.