Kryeministri i Kosovës, Albin Kurti, ka zbardhur detaje nga bisedat telefonike që ka pasur sot me përfaqësuesin e Lartë të BE-së, Joesep Borrell dhe sekretarin e NATO-s, Jens Stoltenberg.

Përmes një postimi në Twitter, Kurti ka shkruar se dialogu është mënyra e vetme për të gjetur zgjidhje për de-përshkallëzimin e situatës në veri.

”Në bisedat telefonike sot me EUHR @JosepBorrellF & #NATO Sec.Gen. @jensstoltenberg ne diskutuam sundimin e ligjit, paqen dhe sigurinë dhe nevojën për shtensionimit të situatës në veri të Kosovës. Dialogu është mënyra e vetme për të gjetur zgjidhje”, shkruan Kurti.

Ndryshe, Serbët kanë bllokuar rrugët kufitare në Bërnjak e Jarinjë që nga e hëna, pasi që Qeveria e Kosovës nisi zbatimin e reciprocitetit për targat e veturave nga Serbia. /Demokracia.com/

In phone conversations today w/ EUHR @JosepBorrellF & #NATO Sec.Gen. @jensstoltenberg we discussed rule of law, peace & security & the need for de-escalation in the North of Kosova. Dialogue is the only way to find just solutions.

— Albin Kurti (@albinkurti) September 26, 2021