Kryeministri i Kosovës, Albin Kurti nuk ka folur për marrëveshjen e arritur mes Kosovës dhe Serbisë, por ka publikuar një intervistë që e ka zhvilluar rreth një javë më parë për gazetën gjermane Die Welt.
Ai në një postim në rrjetin social “Twitter”, ka shkruar se reciprociteti duhet të jetë fryma e zgjidhjeve parimore, përcjell Demokracia.com.
“Reciprociteti duhet të jetë fryma e zgjidhjeve parimore. Javën e kaluar fola me @welt për masat tona reciproke për targat e makinave dhe dokumentet e hyrje-daljeve me Serbinë, por edhe për fuqinë tonë të re të punës, të kualifikuar, luftën kundër korrupsionit dhe forcimin e demokracisë”, ka shkruar Kurti.
Reciprocity should be the spirit of principled solutions. Last week I spoke to @welt about our reciprocal measures on car plates & entry-exit docs w/ Serbia but also about our young, skilled labour force, fight against corruption & strengthening democracy. https://t.co/giWnnTbfEJ
— Albin Kurti (@albinkurti) August 27, 2022
Kujtojmë se Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.
Kështu bëri të ditur më 27 gusht shefi i diplomacisë së Bashkimit Evropian, Josep Borrell./Demokracia.com/