Kryeministri Albin Kurti, i shoqëruar nga shefja e shtetit, Vjosa Osmani dhe zëvendësja e tij Donika Gërvalla, kanë takuar kryeministrin grek, Kyriakos Mitsotakis, në kuadër të Konferencës së Sigurisë në Munih. Ky takim vjen pak ditë pasi Mitsotakis është takuar me presidentin e Serbisë, Aleksandar Vuçiq në Beograd.

Dy krerët e shtetit Osmani e Kurti ia kanë kërkuar kryeministrit grek njohjen e pavarësisë së Kosovës.

“Greqia është një faktor i rëndësishëm për rajonin tonë, NATO-n dhe BE-në. Bashkë me presidenten Vjosa Osmani, ministren e Jashtme, Donika Gërvalla u takova me kryeministrin grek, Kyriakos Mitsotakis. Ne ndajmë vlera, qëllime dhe interesa ekonomike të përbashkëta dhe rikonfirmova nevojën për njohjen e pavarësisë së Kosovës”, ka shkruar Kurti.

Kryeministri Mitsotakis dy ditë më parë zhvilloi një takim me presidentin e Serbisë, Aleksander Vuçiq, në Beograd, nga ku përsëriti se Greqia nuk do ta ndryshojë qëndrimin sa i përket njohjes së Kosovës. /Demokracia.com/

Greece is a very important factor for our region, NATO & the EU.
W/ Pres. @VjosaOsmaniPRKS, MFA @gervallaschwarz I met Greek PM, Kyriakos Mitsotakis. We share common values, goals and economic interests and reiterated the need for recognition of Kosova’s independence.
#MSC2022 pic.twitter.com/EYoAZpxFjK

— Albin Kurti (@albinkurti) February 18, 2022