Kryetari i Lëvizjes Vetëvendosje, Albin Kurti, e ka përshëndetur zyrtarizimin e njohjes diplomatike të Kosovës nga Izraeli, njohje kjo obligative në kuadër të Marrëveshjes së Uashingtonit.

Kurti, me anë të llogarisë së tij zyrtare në ‘Twitter’ ka thënë se shpreson në thellim të bashkëpunimit të politikave me shtetin e Izraelit

“E mirëpresim lajmin e mirë të zyrtarizimit të lidhjeve diplomatike ndërmjet Republikës së Kosovës dhe shtetit të Izraelit. Shpresojmë në thellimin e bashkëpunimit politik, ekonomik dhe kulturor”, ka deklaruar tutje kreu i VV-së.

Kosova dhe Izraeli sot kanë zyrtarizuar njohjen e ndërsjellë. Ministri i Jashtëm i Izraelit, Gabi Ashkenazi është lajmëruar nga Jerusalemi në ceremoninë virtuale të zyrtarizimit të kësaj njohjeje.

Pas deklaratave ku ai dhe ministrja e Jashtme e Kosovës, Meliza Haradinaj-Stublla e kanë falënderuar e uruar njëri-tjetrin, Ashkenazi e ka zbuluar pllakën me mbishkrimin “Ambasada e Republikës së Kosovës në Jerusalem, Izrael”. /Demokracia.com/

We welcome today’s good news of diplomatic relations now established between the Republic of #Kosova and the State of #Israel.

We look forward to work together in deepening our political, economic and cultural relations.

— Albin Kurti (@albinkurti) February 1, 2021