Kryeministri i Kosovës, Albin Kurti, ka thënë se presidenti i Serbisë, Aleksandër Vuçiq, po e shkel marrëveshjen evropiane.

Kurti ka deklaruar kështu në ‘Twitter’, duke iu referuar deklaratës së tij për kundërshtimin e anëtarësimit të Kosovës në Organizatën e Kombeve të Bashkuara (OKB), shkruan Demokracia.com.

I njëjti ka thënë se kjo gjë bën shkelje të pikes katër të marrëveshjes evropiane.

“Presidenti i Serbisë u zotua mbrëmë se do të kundërshtojë anëtarësimin e Kosovës në OKB. Kjo do të përbënte një shkelje të qartë të Artit. 4 të propozimit të BE-së. Normalizimi i marrëdhënieve është i mundur vetëm nëse të dyja palët negociojnë në mirëbesim. Serbia me sa duket ka vendosur të mos e bëjë këtë”, ka deklaruar shefi i ekzekutivit kosovar.

Serbia’s President vowed last night to oppose Kosova’s membership in the UN. This would constitute a clear breach of Art. 4 of the EU proposal. Normalization of relations is possible only if both parties negotiate in good faith. Serbia has apparently decided not to do so.

— Albin Kurti (@albinkurti) March 1, 2023

Pika katër e planit franko-gjerman precizon se “Serbia nuk do të kundërshtojë anëtarësimin e Kosovës në asnjë organizatë ndërkombëtare”.

Vuçiq ka deklaruar dje se nuk do ta njohë Kosovën dhe nuk do e lejojë anëtarësimin e Kosovës në OKB.

“Por çështjet kyçe që kanë të bëjnë me Kushtetutën e Shtetit të Serbisë, siç e kam thënë pa mëdyshje kudo, nuk flitet për njohje, as për Kosovën në OKB.  Prandaj as që kam nënshkruar asgjë”, ka theksuar ai dje. /Demokracia.com/