Lideri i Lëvizjes Vetëvendosje, Albin Kurti është deklaruar pas vendimit të Gjykatës Supreme, ku është vendosur që atij të mos i lejohet kandidimi.

Kreu i Lëvizjes Vetëvendosje, Albin Kurti, pas vendimit të Gjykatës Supreme të Kosovës që ia pamundësoi kandidimin në zgjedhjet e 14 shkurtit atij dhe Albulena Haxhiut, është deklaruar duke thënë se akoma nuk e ka parë vendimin e Supremes, pasi që ta shohin vendimin thotë se do ta analizojnë që të ndërmarrin hapa të mëtutjeshëm.

“Secili prej jush duhet ta mbështet listën e VV-së. Neve na duhen 61 deputetë. Të votohet masivisht ashtu siç ka aplikuar mërgata jonë. Më 14 shkurt le ta bëjmë festë të VV-së. Unë nuk e kam parë atë vendim, kur të vjen në zyrën e LVV-së, e trajtojmë dhe e analizojmë se çfarë hapa do të ndërmarrim më tutje, që të ankohemi nëse është kështu”, ka thënë Kurti.

Në vendimin e Supremes thuhet se kandidatët për deputetë, Liburn Aliu dhe Labinotë Demi Murtezi, duhet të përfshihen në listën e kandidatëve për deputetë. Ndërkaq, është refuzuar pjesërisht e pabazuar ankesa e LVV-së, duke vërtetuar vendimin e PZAP-së, duke lënë kështu jashtë liste liderin e VV-së, Albin Kurtin.