Një aksion simbolik sot është zhvilluar në oborrin e Ministrisë së Punëve të Jashtme dhe Diasporës, pas raportimit të Demokracia.com se ministrja Donika Gërvalla Schwarz abuzoi me pozitën e saj, duke i lëshuar certifikatë të praktikës vajzës së saj të mitur, Nora Schwarz.
“Kur nuk je për gocën tënde, nuk je për askënd”, është mesazhi në tri gjuhë gjermanisht, anglisht e shqip, që i është përcjell ministres Gërvalla.
Ende nuk dihet se kush e ka mbushur me këto porosi oborrin e Ministrisë së Punëve të Jashtme dhe Diasporës.
Demokracia.com sot ka raportuar se ministrja Gërvalla abuzoi me ministrinë, asistenten dhe vulën e MPJD-së, duke i lëshuar dokument zyrtar vajzës së saj kinse e ka kryer praktikën në kabinetin e nënës në institucionin që drejton në Kosovë. /Demokracia.com/
