Royal Antwerp dhe Drita sonte e zhvillojnë ndeshjen e parë të rrethit të dytë kualifikues në Ligën e Konferencës.

Stadiumi “Bosuistadion” në Belgjikë është vendtakim i parë i sfidës ndërmjet Antwerpit dhe Dritës së Gjilanit, shkruan Demokracia.com.

Një nga klubet më të vjetra në Belgjikë dhe jo vetëm, Antwerp konsiderohet favorit absolut ndaj gjilanasve në sfidën e parë.

Kompania e madhe e basteve sportive “bet365.com” ka publikuar kuotat e kësaj përballje, e ku shihet se vendasit janë favorit të mëdhenj për ta fituar këtë takim.

Fitorja e Antwerp llogaritet me kuotën 1.16, barazimi 6.00, ndërkohë për triumfin e nënkampiones së Kosovës kuota është 13.00.

Ballafaqimi mes Royal Antwerpit dhe Dritës luhet me fillim nga ora 19:00.

Ndeshja e kthimit luhet një javë më vonë në stadiumin “Fadil Vokrri” në Prishtinë./Demokracia.com/