Ministri i Jashtëm i Ukrainës Dmytro Kuleba deklaroi se ai ishte “shumë specifik” në kërkesat e tij ndaj NATO-s të enjten dhe tha se ishte “me kujdes optimist për rezultatet e diskutimeve tona”.

Duke folur për shtypin pas takimit të ministrave të jashtëm të NATO-s në Bruksel, Kuleba tha se ai besonte se kishte një kuptim në rritje se Ukraina nuk po luftonte vetëm për sigurinë e saj, por për atë të vendeve të Aleancës.

Kuleba përsëriti vërejtjet e tij të mëparshme, duke thënë se marrëveshja që Ukraina i propozon NATO-s është e thjeshtë.

“Ju na siguroni gjithçka që na nevojitet dhe ne do të luftojmë për sigurinë tonë dhe sigurinë tuaj, në mënyrë që presidenti Putin të mos ketë mundësi të testojë nenin 5”, tha ai.

Kuleba nuk do të hynte në detaje specifike në lidhje me ato diskutime, por tha se nuk ngriti garancitë e ardhshme të sigurisë “sepse ne e dimë saktësisht listën e aleatëve që ne i shohim si garantues të mundshëm të sigurisë” dhe që do të negociohej dypalësh, transmeton CNN.

Aktivizimi i nenit 5 do të thotë se çdo sulm kundër një vendi anëtar të NATO-s konsiderohet si një sulm kundër të gjitha vendeve të Aleancës.