Kryetari i Komunës së Graçanicës, Srgjan Popoviq, tha se numri i njerëzve që vuajnë nga koronavirusi po rritet çdo ditë.

Ai u bëri thirrje bashkëqytetarëve të tij që të aplikojnë për vaksinim.

Ai për RTV Graçanica tha se deri më tani serbët nga Kosova janë vaksinuar kundër COVID-19 në pikat e kontrollit në Bujanoc, Rashkë dhe Kurshumli.

Ai tha se vaksinimi është shumë i rëndësishëm dhe prandaj duhet të bëhet një gjë e tillë.

“Vaksinimi është shumë i rëndësishëm, sepse me vetë aktin e vaksinimit ne tregojmë se sa të përgjegjshëm jemi ndaj familjes tonë dhe shoqërisë në të cilën jetojmë”, tha Popoviq, duke theksuar se vetëm në atë mënyrë mund të fitojmë imunitet dhe të mbrojmë familjen dhe shokun tonë qytetarët.

Duke e parë rëndësinë e vaksinimit, Popoviq thotë se edhe ai dhe udhëheqësit e tjerë të Graçanicës kanë bërë thirrje, por edhe përfaqësues të Listës Serbe në vazhdimësi kanë treguar se sa i rëndësishëm është vaksinimi, transmeton Demokracia.com.

“Të gjithë udhëheqësit e Komunës së Graçanicës dhe Lista Serbe kanë treguar se sa e rëndësishme është që çdo qytetar të marrë vaksinën. Unë jam i kënaqur me faktin se një numër i madh i njerëzve janë vaksinuar, dhe unë dua të inkurajoj të gjithë banorët e Graçanicës që të vaksinohen, sepse kjo është mënyra e vetme për të mbrojtur veten dhe familjen. Vetë procesi i vaksinimit është i organizuar shumë mirë në Kurshumli. Shteti i Serbisë dhe presidenti Aleksandar Vuçiq siguruan një numër të mjaftueshëm të vaksinave“, tha Popoviq.

Ai në këtë intervistë tregoi se numri i të prekurve me koronavirus në Komunën e Graçanicës është rritur dukshëm në javët e fundit dhe se vetëm vaksinimi mund ta ndalojë këtë virus të egër.

“Situata nuk është e mirë, sepse çdo ditë kemi gjithnjë e më shumë njerëz të prekur nga koronavirus. Ne duhet t’i përmbahemi të gjitha masave të përshkruara dhe të vaksinohemi sa më shumë të jetë e mundur, në mënyrë që të dalim fitimtarë nga kjo situatë”, theksoi Popoviq. /Demokracia.com/