Kryetari i Federatës së Xhudos te Kosovës, Agron Kuka ka thënë se janë sportistët dhe trajnerët që kanë përfaqësuar me dinjitet vendin dhe i kanë sjell dy medalje të arta Kosovës.

Tutje, Kuka shtoi se tani xhudistët do të stërviten në kushte dinjitoze, por që nga kjo palestër presin të dalin edhe shumë kampionë të rinj.

“Tani e tutje në këtë palestër jo vetë kampionët, por do të stërviten edhe xhudistë të rinj në kushte dinjitoze. Uroj që nga kjo palestër të dalin edhe shumë kampionë të rinj.”

Në këtë ngjarje madhështore për sportin e Kosovës kanë qenë të pranishëm krerët me të lartë institucional, kryetari i xhudos ndërkombëtare dhe sportistë të tjerë nga vendi.