Drejtori i Agjencisë së Kosovës për Inteligjencë, Petrit Ajeti, është incizuar duke konsumuar duhan brenda një hapësire të mbyllur në një lokal në Gjilan.
Në një video të cilën e ka siguruar Paparaci shihet Ajeti duke tymosur duhan brenda hapësires së mbyllur në kundërshtim me Ligjin për kontrollin e Duhanit, që e ndalon pirjen e duhanit në ambiente të mbyllura.
Pamjet tregojnë kreun e AKI-së të ulur në një tavolinë brenda lokalit në shoqërinë e Venhar Salihut, kryetarit të Gjykatës Themelore në Gjilan, qytet prej të cilit Ajeti e ka prejardhjen.
Përpos moszbatimit të Ligjit për kontrollin e Duhanit, sipas Paparacit, Ajeti dyshohet të ketë konsumuar edhe alkool. Para tij dhe Salihut shihen të vendosura gota me verë bazuar në video.
Ky nuk është rasti i vetëm i zyrtarëve në pushtet i shkeljes së Ligjit për kontrollin e Duhanit.
As ministri Hajrullah Çeku nuk e ka respektuar Ligjin për kontrollin e Duhanit, duke pirë duhan në një hapësirë të mbyllur.
Për mosrespektim të ligjit në fjalë, si nga personat fizik dhe subjektet juridike parashihem gjoba të cilat gjithashtu i përcakton ligji.
