Drejtori i Shërbimeve Publike, Bekim Brestovci, gjatë ditës së djeshme ka deklaruar se pas takimit me përfaqësuesit e Sindikatës së Ndërmarrjes “Pastrimi”, ka njoftuar se është arritur marrëveshje për nënshkrimin e një kontrate në vlerë prej 1.5 milionë euro për punë shtesë.

Por, kjo u mohua sot nga kryeshefi i Ndërmarrjes “Pastrimi” Petrit Reçica, i cili tha se nuk e di se me cilët përfaqësues e ka arritur komuna këtë marrëveshje.

“Një sindikatë legjitime që e kemi, ata e kanë pasur edhe një takim, ata që kanë qenë në protestë. Më kanë njoftuar edhe zyrtarisht, një reagim që e kanë bërë edhe ata se nuk kanë pasur marrëveshje me komunën sepse në fund të fundit sindikatat nuk bëjnë marrëveshje”, deklaroi ai në një lidhje direkte në Klan Kosova.