Mykhaylo Podolyak, këshilltar i lartë i presidentit të Ukrainës, Volodymyr Zelensky, tha se është gati për një “diskutim të vështirë” me Rusinë.

Delegacionet e dy vendeve mbajnë sot, përmes video-konferencës, rundin e katërt të bisedimeve për paqe.

“Për paqen – një armëpushim, një tërheqje e menjëhershme e trupave dhe garanci për sigurinë. Një diskutim i vështirë është përpara”, tha kryenegociatori i Ukrainës në bisedime, Podolyak.

“Megjithëse Rusia e kupton marrëzinë e veprimeve të saj agresive, ajo ende ka një iluzion se 19 ditë dhune kundër qyteteve paqësore [ukrainase] janë strategjia e duhur”, shkroi ai në Twitter.

Negotiations. 4th round. On peace, ceasefire, immediate withdrawal of troops & security guarantees. Hard discussion. Although Russia realizes the nonsense of its aggressive actions, it still has a delusion that 19 days of violence against 🇺🇦 peaceful cities is the right strategy pic.twitter.com/BhFLgBSKiu

— Михайло Подоляк (@Podolyak_M) March 14, 2022

Diskutimet zhvillohen në kohën kur Rusia ka intensifikuar sulmet në të gjithë Ukrainën.