Ministri i Punëve të Jashtme të Maqedonisë së Veriut, Bujar Osmani e ka përshëndetur progresin e së hënën së arritur në Bruksel ndërmjet Kosovës dhe Serbisë.

Osmani në një postim në rrjetin social “Twitter”, ka shkruar se kjo është mirë edhe për Maqedoninë e Veriut kur vendet fqinje arrijnë përparim në çështjen e dialogut.

“Përshëndes progresin e djeshëm të Kosovës dhe Serbisë të arritur në Bruksel. Si një fqinj i afërt i të dy vendeve, ne inkurajojmë një përparim përfundimtar, duke qëndruar gati për të ndihmuar në interesin më të mirë dhe perspektivën e BE-së të të gjithë rajonit”, ka shkruar Osmani.

I welcome yesterday's progress 🇽🇰 & 🇷🇸 achieved in #Brussels. As an immediate neighbor of both countries we encourage a final breakthrough, standing ready to assist in the best interest & the 🇪🇺 perspective of the entire region

— Bujar Osmani (@Bujar_O) February 28, 2023

Marrëveshja nuk është nënshkruar akoma, por një takim i nivelit të lartë në mes të Albin Kurtit dhe Aleksandër Vuçiqit do të zhvillohet gjatë marsit.