Anëtari i Kryesisë së LDK-së, Muhamet Hamiti, ka reaguar pasi menaxhmenti i ndërmarrjes “Trepça” ka suspenduar nga puna kryetarin e Sindikatës së minatorëve, Ibrahim Jonuzin, nënkryetarin e sindikatës, dy anëtarë të tjerë dhe një minator.

Ai ka thënë se pushteti në Kosovë, i cili është i majt, po i përbuzë sindikalistët në Kosovë.

Në profilin e tij në “Facebook”, Hamiti ka shkruar se sipas logjikes së pushtetit aktual sindikatat duhet të jenë në shërbim të tyre.

“Pushteti i majtë në Kosovë #Krejtdhedrejt i përbuz sindikalistët! Sindikalistët nuk kanë të drejtë ta sfidojnë pushtetin e majtë. Të djathtin po! Sindikalistët duhet të jenë në shërbim të të majtëve autoritarë, simbas logjikës së pushtetarëve aktualë”, ka shkruar Hamiti.