Pas dështimit të 15’të të seancës konstitutive – e mbetur e bllokuar në emrin e Albulena Haxhiut e cila nuk i ka votat dhe nuk ndërrohet nga Vetëvendosje për një kandidat konsensua – Kryetari i Partisë Demokratike të Kosovës, Memli Krasniqi, tha se “është bërë e tepërt” dhe se “shteti ka mbetur peng” i Vetëvendosjes.

Krasniqi konstatoi se insistimi i Albin Kurtit me doemos në emrin e Albulena Haxhiut “është i pakuptimtë” dhe se kuptimi i saj përkthehet në atë se “është e ditur dhe e dëshmuar se nuk i ka votat për Qeveri”.

Krasniqi rikujtoi se vetë në Shtetet e Bashkuara të Amerikës, në mesin e garës presidenciale është ndërruar kandidati.

“Ky insistim i Kurtit për Albulena Haxhiun është i pakuptimtë dhe është pasiguriae tij në faktin e njohur dhe të dëshmuar që s’i ka numrat për shumicë parlamentare. Unë si kryetar i PDK-së do të vazhdoj të insistoj për një qasje zhbllokuese, jo vetëm për ndërrim të kandidatit. Por më vjen mirë që presidentja Vjosa Osmani e ka pranuar propozimin tonë për të ftuar një takim me të gjitha partitë politike. Shpresoj që të gjithë t’i përgjigjen pozitivisht”, ka deklaruar Krasniqi.