Kryetari i Partisë Demokratike të Kosovës (PDK), Memli Krasniqi i ka kërkuar kryeministrit Albin Kurti që të dalin në zgjedhje.

Krasniqi në Pressing të T7, ka deklaruar se nëse Kurti nuk del në zgjedhje atëherë duhet të tregojë ”pse po frikësohet nga zgjedhjet“.

”Albin Kurti nëse mendon që populli është me ty hajde shkojmë zgjedhje, nesër, pasnesër është vonë – hajde matum zotëri. Ty nuk të kanë votu njerëzit për me iu prish krejt drejtimin që kanë investu gjenerata e gjenerata që është orientimi euro-perëndimor, për njerëzit që iu ke premtu diçka e ju ke sjellë diçka krejt tjetër“, ka thënë kryetari i PDK-së.

Krasniqi ka folur edhe për presidenten e Kosovës, Vjosa Osmani, duke thënë se nuk është duke e luajtur rolin e saj si presidente.

Ai tha se posti i presidentes nuk është për t’u shëtitur botën, por për ta luajtur rolin e saj sidomos në kësisoj situatash.