Komisioni Qendror i Zgjedhjeve (KQZ) ka certifikuar rezultatet e zgjedhjeve lokale të 17 tetorit.
Kryetari i KQZ-së, Kreshnik Radoniqi në mbledhjen e sotme tha se certifikimi i rezultateve është bërë në 35 komuna, kurse në katër komuna nuk është certifikuar rezultati për shkak se ka pasur ankesa dhe ende nuk është vendosur për to.
“Rezultati e raundit të parë të zgjedhjeve nuk mund të certifikohen në Shtime, Ferizaj, Podujevë dhe Kllokot”, deklaroi Radoniqi.
Në zgjedhjet e 17 tetorit, 17 kandidatë kanë fituar votat e mjaftueshme për kryetar, kurse në 21 komuna do të ketë raund të dytë të zgjedhjeve.
Balotazh do të ketë në këto komuna: Gjakovë, Gllogoc (Drenas), Gjilan, Dragash, Istog, Kaçanik, Klinë, Fushë Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamushë dhe Kllokot.
