Ish-kandidatja për deputete e LDK-së,  Afërdita Morina-Biffar ka reaguar pas reduktimeve të energjisë elektrike që po ndodhin në Kosovë. Ajo e ka publikuar një deklarim të ministres së Drejtësisë, Albulena Haxhiu, që e ka dhënë kohë më parë, e që e akuzonte pushtetin e atëhershëm për mungesë të energjisë.

Në këtë video të publikuar nga Morina dëgjohet Haxhiu duke e kritikuar Qeverinë e atëhershme për mungesë të energjisë, fyerje të faturave si dhe kërkonte përgjegjësi për vendimin e ZRRE-së ku faturat e energjisë në veri paguheshin nga qytetarët shqiptarë.

“Përveç në Prishtinë, qytetarët po ballafaqohen me mungesë të energjisë elektrike në secilin qytet e fshat. Në këto ditë të ftohta dimri kjo gjendje është e papërballueshme, e sidomos për ata që jetojnë në varfëri e në zona më të thella. Me gjithë këto probleme, deri më tani nuk kemi dëgjuar asnjë përgjigje nga Qeveria për mungesën e energjisë elektrike, për faturat e fryme,  për largimin e punëtorëve dhe ende askush nuk ka dhënë përgjegjësi për vendimin e paligjshëm të ZRRE-s, i cili shpenzimet e qytetarëve serbë, ia faturon qytetarëve shqiptarë”, kishte thënë mes tjerash Haxhiu.

Ndërsa, ish-kandidatja për deputete e LDK-së, Qeverinë Kurti po e vlerëson si një qeverisë mashtruesish dhe dështakësh.

“Degjonja fjalimin e dikurshem per rryme, a sot na u ndale rryma per te dyten here. #albulenahaxhiu  #QeveriMashtruesish #QeveriDeshtakesh”, shkroi Morina-Biffar.