Komisioni Evropian ka shpallur listën e ekspertëve të pavarur nga BE-ja, SHBA-ja dhe Kanada, të ngarkuar për të udhëhequr punën për hartimin e një Kodi të Praktikës për Inteligjencën Artificiale me Qëllime të Përgjithshme, i cili përfshin modele gjuhësore si ChatGPT dhe Google Gemini.
Bëhet e ditur se të 13 ekspertët e vendosur të drejtojnë katër rrjedha të ndryshme pune që duhet të çojnë në një Kod Praktik sipas Aktit të AI deri në prill të vitit 2025, u emëruan në një deklaratë nga ekzekutivi.
Akti i AI i BE-së, i cili hyri në fuqi muajin e kaluar – ofron rregulla të rrepta për ofruesit e modeleve GPAI, të cilat do të hyjnë në fuqi në gusht të vitit 2025, shkruan euronews.Sipas rregullave, Zyra e AI – njësi brenda Komisionit – inkurajohet të hartojë një Kod të krijuar për të lehtësuar zbatimin e rregullave të Aktit të AI për kompanitë, duke përfshirë transparencën dhe rregullat që lidhen me të drejtën e autorit, taksonominë e rrezikut sistemik, vlerësimin e rrezikut dhe masat zbutëse.
Ekspertët kishin kohë deri më 25 gusht për të aplikuar për rolin dhe të përzgjedhurit përfshijnë Rishi Bommasani (SHBA), Marietje Schaake (Holandë) dhe Yoshua Bengio (Kanada).
