Komandanti i KFOR-it, gjeneralmajor Angelo Michele Ristuccia, u takua para dy dite me Nebojsha Arsiq, i cili është rektor në Universitetin e Mitrovicës së Veriut.

KFOR-i, në një njoftim të tij në Twitter, iu referua Arsiqit si “rektor i Universitetit të Prishtinës në Mitrovicë”. Në këtë takim, KFOR njoftoi se u vlerësua rëndësia e arsimit për gjeneratat e reja dhe u diskutua për mundësitë e bashkëpunimit me KFOR-in.

“Komandanti i KFOR-it, MG Angelo Michele Ristuccia, është takuar me profesorin Nebojsha Arsiq, rektor i Universitetit të Prishtinës në Mitrovicë. Takimi ishte një mundësi për të theksuar rëndësinë e arsimit tek gjeneratat e reja dhe për të thelluar bashkëpunimin e mundshëm me KFOR-in”, thuhet në njoftim.

KFOR Commander, MG Angelo Michele Ristuccia, met with Professor Nebojša Arsić, Rector of the University of Pristina in Mitrovica. The meeting was an opportunity to emphasise the importance of education in the younger generations and to deepen possible cooperation with #KFOR. pic.twitter.com/Ag5EZE09yO

— NATO Kosovo Force – KFOR (@NATO_KFOR) May 17, 2023

Vlen të theksohet se Universiteti i Mitrovicës së Veriut nuk është i akredituar në Kosovë përs shkak të mungesës së hartimit të një statusi në përputhje me ligjet e Republikës së Kosovës dhe konsiderohet si institucion i paligjshëm ose paralel nga autoritetet e Kosovës. Ky universitet u zhvendos nga Prishtina në Mitrovicën e Veriut pas luftës në Kosovë.