Çdo ditë ne mund të mësojmë diçka të re. Ka kafshë që falsifikojnë shtatzëninë për të marrë më shumë ushqim nga kujdestarët e tyre, pëllumbat mund të tregojnë nëse njerëzit kanë kancer apo jo. Gjërat që zbulojmë mund të na bëjnë të buzëqeshim, të na mahnitin, apo edhe të na trembin deri diku, shkruan Bright Side.
Demokracia.com më poshtë u sjellë pesë gjëra që mund të mos i keni ditur.
1. Shumë buzëkuqë përmbajnë luspa peshku
Përbërësi i quajtur guaninë përdoret në shumë buzëkuqë për të krijuar një efekt shkëlqyes. Ky përbërës vjen nga luspat e peshkut dhe në industrinë kozmetike quhet “thelbi i perlave”.
2. Trupi i njeriut përmban 0.2 mg ar
Ari gjendet në gjak dhe është i nevojshëm për nyjet tona. Ai gjithashtu është një element thelbësor në transmetimin e sinjaleve elektrike në të gjithë trupin. Trupi i një personi mesatar, që peshon 70 kilogramë, do të përmbante një masë totale prej 0.2 miligram ari. Nëse sasia e arit në trupin e njeriut do të shndërrohej në një kub të ngurtë, do të ishte rreth 0.22 milimetra.
3. Ekziston një kuti postare nënujore në Japoni nga e cila mund të dërgoni një letër
Kutia më e thellë nënujore zakonisht merr rreth 1000 deri 1500 copë mesazhe çdo ditë, shumë të dërguara nga anëtarët e familjes për të dashurit e tyre dhe kjo pjesë e vogël e infrastrukturës mbart një rëndësi të veçantë. Ndodhet në Susami Bay, Japoni dhe u vendos 10 metra thellë jashtë bregdetit. Mund të blini një kartë të papërshkueshme nga uji, të shkruani një mesazh mbi të dhe t’ia dërgoni kujt të doni gjatë zhytjes.
4. Bota është e paqartë për foshnjat kur lindin, dhe shikimi i tyre është i turbullt derisa të jenë rreth 1 vjeç
Kur fëmija juaj lind, ata ju shohin ju dhe botën përreth me sy të turbullt. Ata fokusohen më mirë në objektet që janë deri në 10 centimetra larg nga fytyra e tyre.Në moshën 12 muajshe, foshnjat i shohin gjërat shumë qartë, si afër ashtu edhe larg. Ata madje mund të përqëndrohen shpejt në objekte që lëvizin shpejt.
5. Pandat mund të falsifikojnë shtatzëninë
Shkalla e lindjeve të Pandës është jashtëzakonisht e ulët, kështu që kujdestarët zakonisht e trajtojnë atë si një rast të veçantë kur një panda mbetet shtatzënë. Ata e trajtojnë këtë panda me vëmendje të shtuar dhe u japin ushqim më të shijshëm. Pandat gjithashtu kanë qenë të njohura për shtatzëni të rreme për të marrë më shumë vëmendje dhe të mira nga kujdestaret e tyre. Shtatzënia e rreme nuk është e lehtë të dallohet nga një e vërtetë që në fillim, pasi kafshët tregojnë të gjitha shenjat e shtatzënisë, përfshirë ndryshimet fizike./Demokracia.com/
