Të gjithë e përdorim Instagram, qoftë për të komunikuar me miqtë ose familjarët tanë, për të postuar fotot tona apo për të bërë foto interesante duke përdorur shumllojshmërinë e filtrave që Instagram mundëson.

Por a është Instagram i sigurt për sa i përket ruajtjes së privatësisë suaj? A iu përgjon ai duke aksesuar kamerën, vendndodhjen, bisedat dhe të dhënat tuaja?

A i ndjek Instagram zakonet tuaja?

Në të vërtet Instagram ndjek çdo lëvizje tuajën dhe mund të lejoj të tjeret të bëjnë të njëjtën gjë. Një funksion që ndizet automatikisht i tregon ndjekësve tuaj sa herë që ju jeni online, ose sa herë jeni aktivë në të njëjtën kohë. Kjo veçori vihet re tek Direct Messages. Duke klikuar në bisedën me një person do të vini re nën emrin e tij kohën e fundit që personi ka përdorur aplikacionin ose  shkrimin “active” për rastet kur personi është online.

Kjo situate mund të jetë e rrezikshme pasi një person mund të studioi lehtësisht nga afër oraret dhe zakonet tuaja, duke shfrytëzuar çfarë postoni ju në ato momente.

Mund ta çaktivizoni këtë veçori përmes Settings (Cilësimeve), të cilat gjenden duke klikuar në tre vijat horizontale në të djathtë, sipër profilit tuaj. Shkoni te Privacy (Privatësia) dhe klikoni mbi Activity Status off (statusi i aktivitetit joaktiv).Megjithatë kjo do t’ju ndalojë të shihni se kur njerëzit që ndiqni ishin të fundit në linjë gjithashtu.

A përgjon Instagram vendndodhjen tuaj?

Edhe pse Instagram, Facebook, Twitter dhe rrjetet e tjera sociale nuk lejojnë ndarjen e të dhënave EXIF, të cilat përfshijë pajisjen që është përdorur për të bërë fotografinë, rezolucionin dhe kohën e shkrepjes së saj, kjo nuk do të thotë se Instagram nuk e di vendndodhjen tuaj.

Ju mund të ndani se ku jeni permes opsionit të etiketimit gjeografik. Kur shtoni një foto, mund të klikoni Shto vendndodhje, kërkoni sugjerime dhe më pas prekni Share. Shpesh njerëzit e përdorin këtë opsion për të treguar vendndodhjen e tyre ne raste udhëtimesh ose pushimesh, gjë që mund të jetë e rrezikshme pas ii tregon botës se ju ndodheni larg shtëpisë.

Për të ndaluar kërë duhet të tregoheni të kujdesshëm me informacionin që vendosni të ndani me ndjekësit tuaj.Ju gjithashtu mund të ndaloni aksesin e GPS-it nga Instagrami. Për iPhone, për shembull, shkoni te Settings > Privacy > Location Services. Në pajisjet Android, klikoni General > Settings >Location. Ndryshoni cilat aplikacione mund të shohin se ku jeni.

A akceson Instagram kontaktet tuaja?

Duke aksesuar kontaktet tuaja Instagram iu sugjeron  persona me të dhëna të njënjta që ju mund të ndiqni. E njëjta gjë ndodh edhe kur Instagram lidhet me Facebook-un tuaj.Insragram ka pranuar ndrjen e të dhënave ndërmjet dy kompanive më qëllim që të siguroj shërbim më të mirë dhe të personalizuar.

Qëllimi i tij nuk është tinëzar, por ju duhet të pyesni nëse doni të dhëna private në duart e një kompanie tjetër.

Aplikacioni e bën hyrjen në listën tuaj të kontakteve si parazgjedhje, kështu që ju duhet ta çaktivizoni këtë duke shkuar te Profile  dhe më pas trokitni lehtë mbi tre rreshtat në pjesën e sipërme djathtas të ekranit tuaj për të hyrë në Settings . Tani klikoni Account > Contacts syncing dhe hiqni zgjedhjen Connect contacts.

Në ekranin e Account, do të shihni gjithashtu ndarjen me aplikacionet e tjera dhe mund të zgjidhni me cilat shërbime të tjera mund të lidheni ose shkëputni opsionet e ndarjes.

A ju dëgjon Instagram?

Shpesh Instagram shfaq reklama të produkteve që ti  ke kërkuar dhe kjo arrihet nëpërmjet cookies që aksesohen në PC tuaj, porn ë disa raste të tjera Instagram reklamon produkte për të cilat ti vetëm ke folur. A është kjo një koincidencë?

Nuk është e konfirmuar, por shpesh në internet është diskutuar rreth faktit se Instagram zotëron akses të mikrofonit të telefonit tonë dhe dëgjon bisedat tona.

Kjo natyrisht ngre shqetësime në lidhje me Instagramin, veçanërisht pasi në mënyrë automatike, aplikacioni mund të hyjë në mikrofonin tuaj.Kompania mëmë, Facebook mohon që kjo të ndodhë në platformat e saj.

E gjithë kjo mund të jetë një rastësi e çuditshme. Sidoqoftë, për disa mund të duket pak e frikshme.

Me siguri u keni dhënë aplikacioneve qasje në mikrofonin e pajisjes tuaj kur instaloni. Shumica e bëjnë. Për të ndaluar këtë për përdoruesit e iPhone, shkoni te Settings > Privacy > Microphone.

Përdoruesit e Android duhet të shkojnë te Settings > Apps, më pas duke gjetur Instagram dhe duke kaluar te skeda Permissions. Nga atje, ju keni kontrollin e asaj që Instagram mund të dëgjoj.

Pavarësisht gjithçkaje ne duhet ti japin  Instagram-it meritën e duhur: është një rrjet social relativisht privat. Po, ai ka qasje në listën tuaj të kamerës, por të paktën ndjekësit tuaj nuk mund t’i shohin gjërat që mbeten në pajisjen tuaj.Ju gjithashtu mund të arkivoni fotot e kaluara, që do të thotë se Instagram vepron si një sistem i mirë i ruajtjes së fotografive duke ju lejuar të fshehni gjithçka që nuk dëshironi që të tjerët të shohin. /PCWorld Albanian