Është zyrtare: Pas muajsh spekulimesh, Kim Kardashian ka bërë kërkesë për divorc nga burri i saj, Kanye West.

TMZ raportoi për herë të parë lajmin të premten dhe një përfaqësues i Kardashian e konfirmoi. Divorci është miqësor dhe Kardashian kërkoi kujdestari të përbashkët ligjore dhe fizike, për katër fëmijët të tyre.

Çifti kishte nënshkruar një marrëveshje para martese, e cila do ta bëjë ndarjen e aseteve të tyre të kombinuara prej 2.1 miliard dollarë shumë më të lehtë.

Të dy në mënyrë të pavarur zotërojnë dhe operojnë bizneset e tyre – Yeezy e Kanye West dhe KKW Beauty e Kim Kardashian – dhe ka të ngjarë të ruajnë pronësinë, si dhe çdo të ardhur nga këto kompani.

Gjërat bëhen më të komplikuara kur bëhet fjalë për pasuritë e tyre të paluajtshme dhe gjërat e tyre- përfshirë rezidencën e tyre në Calabasas, me një lavaman banje prej rreth 30,000 dollarësh – por ato gjëra përbëjnë më pak se 5% të aseteve të tyre kolektive.

Dyshja ka muaj që jetojnë ndaras – Kardashian në Calabasas, California, me fëmijët dhe West në Wyoming. Ata gjithashtu kanë qenë në terapi dhe kanë diskutuar për një ndarje të mundshme gjatë vitit të kaluar.

Këtu keni një vështrim se si mund të ndahen pasuritë e unionit Kardashian-West:

Kanye West: 1.3 miliardë dollarë

West është më i pasuri i çiftit, por shumë nga vlera e tij neto është e lidhur në kompaninë e tij të veshjeve jolikuide.

Yeezy: 1.26 miliardë dollarë

West zotëron 100% të markës së tij të këpucëve, e cila është e njohur për atletet që kushtojnë deri në 200 dollarë për një palë. Vlera e kompanisë është e lidhur me Adidas, e cila prodhon, tregton dhe shpërndan këpucët. Rreth 11% të të ardhurave vjetore të Yeezy, ishin rreth 1.3 miliard dollarë në vitin 2019.

Duke përdorur një shumë konservatore, Forbes vlerësoi në Prill 2020 që marka vlen 1.26 miliardë dollarë.

Kim Kardashian West: 780 milion dollarë

Kardashian West mund të ketë më pak pasuri se burri i saj, por pasuria e saj është shumë më e lëngshme – dhe më pak e varur nga trendi i markës së saj dhe tekat e konsumatorëve.

KKW Beauty: 500 milion dollarë

Ngjashëm me West, pjesa më e madhe e pasurisë së Kardashian qëndron në një markë me emrin e saj. Forbes vlerësoi në tetor se 72% e aksioneve të West në kompaninë e saj të kozmetikës KKW Beauty vlejnë rreth 500 milion dollarë.

Para të gatshme dhe investime të tjera: 250 milion dollarë

Kardashian fitoi miliona dollarë për 13 vite duke luajtur në Keeping Up With the Kardashians, aplikacioni i saj: Kim Kardashian Hollywood dhe koncerte të ndryshme të modelimit. Por, paga e saj më e madhe erdhi kur ajo i shiti 20% të KKW Beauty gjigandit të kozmetikës Coty për 200 milion dollarë vitin e kaluar.

Mbesin: 70 milion dollarë

Çifti zotëron një numër shtëpishë – dhe ka një numër hipotekash – së bashku, duke përfshirë një rezidencë të Calabasas në Los Angeles County, vendpushimin e Miamit dhe dy ferma në Wyoming. Sipas dokumenteve që West i dërgoi Forbes vitin e kaluar, ka edhe 5 milion dollarë në art, gati 4 milion dollarë në automjete, 3.2 milion dollarë bizhuteri dhe madje 300,000 dollarë bagëti që mund të jenë në bashkëpronësi të çiftit.

Tani për tani, ne kemi supozuar se ata e kanë ndarë atë në mënyrë të barabartë. /Demokracia.com/