Këshilli Prokurorial i Kosovës e ka cilësuar të drejtë rrëzimin e Ligjin të Këshillit Prokurorial nga Gjykata Kushtetuese, duke thënë se shpallja e këtij ligji kundërkushtetues i vërteton qëndrimet dhe shqetësimet e shprehura publikisht të përfaqësuesve të sistemit prokurorial, në mënyrë që ky ligj të mos miratohej si i tillë.
KPK-ja ka thënë se kjo gjykatë e ka afirmuar të drejtën kushtetuese për mosinterferim politik.
“Gjykata Kushtetuese e Republikës së Kosovës hoqi të gjitha dilemat ekzistuese lidhur me ketë çështje, së pari, duke marrë vendim që të rrëzohet komplet Ligji për Këshillin Prokurorial dhe, së dyti, duke parandaluar cenimin e pavarësisë së KPK-së dhe ligjësimin e ndikimeve politike në sistemin prokurorial të Republikës së Kosovës. KPK-ja pohon se Gjykata Kushtetuese të Republikës së Kosovës, me nxjerrjen e këtij vendimi të drejtë, afirmon njëherë e mirë të drejtën kushtetuese për mosinterferim politik, i cili cenon thelbësisht pavarësinë e prokurorëve të shtetit dhe përgjithësisht pavarësinë e sistemit prokurorial”, thuhet në njoftim.
