Gazetari i Plus TV, Irfan Malqi është kërcënuar nga Udhëheqës i Shërbimeve Sociale brenda QPS-së në Viti, Sylë Salihu dhe po ashtu ka pranuar mesazhe nga Shefi i Zyrës së Burimeve Njerëzore në Komunën e Vitisë në lidhje me kronikën për mungesën e profesionistëve në degën e punëve sociale në Viti.

Kërcënimi ndaj Mailqit ka nxitur reagimin e Asociacionit të Gazetarëve të Kosovës të cilët e kanë dënuar këtë verpim të zyrtarëve komunal.

Njoftimi i plotë:

Kërcënohet gazetari i Plus TV, Irfan Maliqi

Asociacioni i Gazetarëve të Kosovës është njoftuar sot nga redaksia e Plus TV, se gazetari i këtij mediumi, Irfan Maliqi, është kërcënuar nga Sylë Salihu -Udhëheqës i Shërbimeve Sociale brenda QPS-së në Viti.

Maliqi gjithashtu ka pranuar mesazhe nga Hysen Ymeri – Shef i Zyrës së Burimeve Njerëzore në Komunën e Vitisë në lidhje me kronikën për mungesën e profesionistëve në degët e punëve sociale në këtë komunë.

Asociacioni i Gazetarëve të Kosovës, e dënon këtë veprim të Salihut dhe Ymerit, njëherësh e cilëson se bie në kundërshtim me vlerat e përgjithshme të lirisë së shtypit dhe shprehjes. Përpjekja për t’ua imponuar gazetarëve se çfarë të raportojnë, është tendencë për kontrollim të informatave.