Vullnet Bugaqku nga KDI tha në emisionin FIVE se presidentja duhet të luajë një rol më aktiv dhe kushtetues për të zhbllokuar procesin e zgjedhjes së kryetarit të Kuvendit.

“Kemi kërkuar që presidentja të ftojë partitë në konsultime për të gjetur një kompromis. Shumica e partive kanë konfirmuar pjesëmarrjen, por mbetet të shihet nëse do ketë sukses,” tha ai.

Sipas Bugaqkut, nuk pritet ndonjë ndryshim në seancën e ardhshme. “Duke parë qëndrimet e deritanishme, duket se nuk do të ketë ndonjë risi apo zhvillim ndryshe nga ajo çfarë ka ndodhur në seancat e fundit. Me gjasë edhe nesër, kryesuesi i seancës konstituive do të vazhdojë ta zhvillojë seancën ashtu siç e ka zhvilluar edhe herën e fundit. Nuk pres ndonjë ndryshim në kuptimin që të zhbllokohet çështja e kryetarit të Kuvendit, prandaj do të jemi dëshmitarë të përsëritjes së një seance e cila nuk sjell kurrfarë rezultati” perfundoi Bugaqku.