Superliga e Kosovës në futboll sezonin e ardhshëm pritet të jetë mjaftë e zjarrtë, ku tashmë klubet kanë filluar me prurjet e reja që të jenë sa më të gatshme.

Klubi Futbollistik “Ferizaj” siç duket e ka marrë shumë seriozisht afatin kalimtar të verës.

Enigma ka mësuar se klubi ferizajas është afër marrëveshjes me sulmuesin e rrezikshëm kosovar, Kastriot Rexha.

Rexha së fundmi ka qenë pjesë KF Drenicës, ku për shkak të lëndimit është paraqitur vetëm në një ndeshje.

Qendërsulmuesi i njohur do të ishte pika kyçe e sulmit tek skuadra e drejtuar nga Arbnor Morina.

Mediumi ka raportuar se Ferizaj veçse ka arritur marrëveshje me Betim Haxhimusën i cili pritet të zyrtarizohet në ditët në vazhdim, gjithashtu interesim ka shprehur edhe për Edon Sadriun, Fidan Gërbeshin dhe Leutrim Rexhpin.

Deri më tani “Ujqit” kanë prezantuar dy prurjet e reja, Bujar Shabanin nga Dukagjini dhe Astrit Fazliun nga Drita.

Kujtojmë që Kastriot Rexha përvec Drenicës ka mbrojtur edhe ngjyrat e Dritës, Feronikelit, Besës, Prishtinës, Trepcës ’89, Hysit dhe Vllaznisë së Shkodrës.