Llapi i ka shkaktuar sot një disfatë të rëndë skuadrës së Ballkanit duke e eliminuar nga Kupa e Kosovës, shkruan Demokracia.com.
Llapjanët u kualifikuan në çerekfinale pasi triumfuan pas ekzekutimit të penalltive.
Kjo humbje nuk është pritur mirë në ekipin e Ballkanit, derisa trajneri i tij, Bledi Shkëmbi akuzoi Llapin se kishte lejuar shumë tifozë të futën në stadium përkundër që një gjë e tillë ishte e ndaluar për shkak të masave anti COVID.
Kjo ngjalli disa reagime, derisa më epike duket të jetë ajo e kapitenit të Llapit, Benjamin Emini i cili postoi një foto të tij afër bankinës së Ballkanit e ku shihej i tërë stafi teknik me sy nga ai.
“Shumë shikues në një foto”, ka shkruar Emini, mesazh ky që shkon drejtpërdrejt për Shkëmbin i cili gjithashtu shihet në foton e postuar nga Emini. /Demokracia.com