Për të punuar nevojitej leja përkatëse e qëndrimit, të cilën të paktën shtatë nga tetë personat nuk e kishin. Ata kishin hyrë të gjithë në Gjermani si turistë.
Ata kishin hyrë në Gjermani si turistë, ndërsa kishin siguruar jetesën e tyre si punëtorë ndërtimi: Bëhet fjalë për shtatë kosovarë, të cilët, me vendimin e aturiteteve duhet të largohen nga vendi, shkruan az.de
Rasti ka ndodhur të mërkurën në mbrëmje kur policët nga grupi i kontrollit të kërkimit të policisë së trafikut Neu-Ulm kanë kontrolluan një minibus në autostradën A8, transmeton albinfo.ch. Minibusi ishte përplot me udhëtarë. Ata të gjithë ishin shtetas kosovarë që po udhëtonin drejt vendit ku do të akomodoheshin në Gjermani.
Nga ajo që shihej, tetë burrat, nga mosha 23 deri 42 vjeç, ishin punëtorë ndërtimi.
Ata të gjithë e kanë pranuar këtë status. Por, për të punuar do të ishte e nevojshme leja përkatëse e qëndrimit, të cilën të paktën shtatë nga tetë personat nuk e kishin.
Këta shtatë persona kishin hyrë të gjithë në Gjermani përmes të ashtuquajturit “privilegj turistik”.
Më i vjetri në automjet ishte punëdhënësi i të tjerëve, edhe pse nuk kishte të drejtë të punësonte bashkatdhetarët e tij pa leje pune, përcjell albinfo.ch. Tani, kundër të gjithë personave janë ngritur akuzat penale për shkelje të ligjit të imigracionit dhe për punë të paligjshme.
Përveç kësaj, shtatë “punonjësve” u është kërkuar të largohen menjëherë nga territori federal.
