Jessica Biel po qëndron pranë burrit të saj, Justin Timberlake, pasi ai u ka kërkuar falje Britney Spears dhe Janet Jackson këtë javë.

Artisti shkroi në Instagram të premten në përgjigje të reagimit të marrë pas transmetimit të dokumentarit të New York Times, “Framing Britney Spears”, duke u kërkuar falje të dy grave për prishjen e karrierës së tyre dhe duke kontribuar në turpërimin e tyre publik, transmeton Demokracia.com

“Unë të dua. [emoji zemër] ”, komentoi Biel për postimin e tij, në të cilin Timberlake deklaroi,“ Më vjen shumë keq për kohën në jetën time kur veprimet e mia kontribuan në problem, ku unë nuk fola për atë që kishte te drejtë. Unë e kuptoj që kam dështuar në këto momente dhe në shumë të tjerë dhe kam përfituar nga një sistem që miraton mizogjininë dhe racizmin”.

“Unë posaçërisht dua t’i kërkoj falje Britney Spears dhe Janet Jackson, të dyjave individualisht,” vazhdoi ai, “sepse unë kujdesem dhe respektoj këto gra dhe e di që dështova. Unë gjithashtu ndihem i detyruar të përgjigjem, pjesërisht, sepse të gjithë të përfshirë meritojnë më mirë dhe më e rëndësishmja, sepse kjo është një temë e rëndësishme, që unë dua me gjithë zemër të jem pjesë dhe të rritem”.

“Framing Britney Spears” dokumentari që rrëfen periudhën kritike të jetës së Britney që qoi në mbikqyrjen e saj të plotë, prek edhe romancën e saj me Justin Timberlake dhe aludimet që u ngritën kur ai publikoi këngën “Cry Me A River”, teksti dhe videoja e së cilës sugjeronin se ai ishte tradhëtuar nga këngëtarja./Demokracia.com