Aktori dhe këngëtari i njohur Jamie Foxx ka reaguar publikisht ndaj një teorie të çuditshme konspirative që sugjeronte se reperi Sean ‘Diddy’ Combs kishte tentuar ta vriste atë.

Në një deklaratë të shpërndarë mes raportimeve për gjyqin federal për trafikim seksual që po zhvillohet ndaj Diddy, Foxx, 57 vjeç, e hodhi poshtë kategorikisht këtë pretendim.

Duke folur me ironi dhe tallje ndaj thashethemeve që janë përhapur në rrjetet sociale, aktori theksoi se nuk ka asnjë të vërtetë në këto spekulime. “Nuk ka ndodhur kurrë diçka e tillë,” është shprehur ai, sipas raportimeve të Daily Mail, përcjell Insajderi.

Foxx aktualisht është fokusuar në rikuperimin e tij shëndetësor, pas gjakderdhjes në tru që pësoi në vitin 2023, një ngjarje që e detyroi të tërhiqej përkohësisht nga jeta publike.

Ai vazhdon të jetë nën kujdes mjekësor dhe ka falënderuar publikun për mbështetjen e vazhdueshme gjatë kësaj periudhe sfiduese.