Kabineti i sigurisë i Izraelit ka miratuar masat për ta bërë më të lehtë për izraelitët të mbajnë armë pas dy sulmeve nga palestinezët në Jerusalem gjatë dy ditëve të fundit.

Sulmet ndodhën pasi ushtria izraelite vrau nëntë persona në Bregun e pushtuar Perëndimor.

Masat e reja përfshijnë gjithashtu heqjen e të drejtave të banimit dhe të sigurimeve shoqërore të anëtarëve të familjes së një sulmuesi.

Kryeministri izraelit Benjamin Netanyahu kishte premtuar një përgjigje “të fortë” dhe “të shpejtë” përpara mbledhjes së kabinetit të sigurisë, shkruan BBC, përcjell Klankosova.tv

Ushtria izraelite tha gjithashtu se do të përforconte numrin e trupave në Bregun Perëndimor.

“Kur civilët kanë armë, ata mund të mbrojnë veten”, u tha gazetarëve jashtë një spitali të Jerusalemit ministri kontrovers i Sigurisë Kombëtare i ekstremit të djathtë, Itamar Ben-Gvir.