Gjatë telefonatës së Joe Biden me Benjamin Netanyahun, dyshja diskutuan për kalimin e ndihmave përmes Kerem Shalom.
I ndodhur në cep midis kufirit të Izraelit me Gazën dhe Egjiptin, kalimi është një nga rrugët kryesore që përdoret për dërgimin e ndihmave humanitare në Gaza.
Ai ka qenë i mbyllur gjatë gjithë ditës, me Cogat – organi izraelit që koordinon aktivitetet e qeverisë në territoret e pushtuara – duke thënë se kjo ishte për “arsye sigurie”, pasi sulmet me raketa të Hamasit aty afër vranë katër ushtarë izraelitë dje.
Në leximin zyrtar të SHBA-ve të takimit, thuhet se Netanyahu ka rënë dakord të “sigurojë” që kalimi të jetë i hapur “për ndihmë humanitare për ata në nevojë”.
Ndërsa zhvillimi i fundit, reflekton se Hamasi ka pranuar një armëpushim të propozuar nga Egjipti dhe Katari.
Është ky lajmi i fundit që vjen drejtpërdrejt nga baza e grupimit militant, ku saktësohet se janë pranuar kushtet e një armëpushimi, i cili është ndërmjetësuar në ditët e fundit nga pala egjiptiane dhe ajo e Katarit, ku bisedimet janë mbajtur në Kajro.
Fraksioni islamik tha në një deklaratë se shefi i saj, Ismail Haniyeh, kishte informuar kryeministrin e Katarit dhe shefin e inteligjencës së Egjiptit për pranimin e propozimit të tyre.
Detajet më të imta ende nuk janë shpallur, duke përfshirë sa do të zgjasë dhe çfarë do të thotë kjo për pengjet që mbahen në Gaza.