Përveç Pfizer/BioNTech dhe Moderna, vaksina nga AstraZeneca u bë e treta në përdorim nga BE.
Rregullatori italian i ilaçeve AIFA ka thënë të shtunën se ka aprovuar përdorimin e vaksinës kundër COVID-19 të prodhuar nga AstraZeneca dhe Universiteti i Oksfordit.
Ka rekomanduar përdorim të vaksinës për të rriturit e moshave 55 dhe nën 55, raportojn mediat e huaja, përcjell Demokracia.com
Kjo vaksinë është e treta e aprovuar të përdoret në Bashkimin Evropian, pas atyre të prodhuara nga Pfizer/BioNTech dhe Moderna.
“Ardhja e një vaksine të tretë është një kontribut i rëndësishëm në vazhdimin e kampanjës për vaksinim”, tha drejtori i AIFA-s, Nicola Magrini.
Rregullatori ka thënë se të dhënat e studimit kanë treguar nivel pasigurie në vlerësimin e asaj se si vaksina do të ndikojë në njerëzit mbi moshën 55-vjeç, prandaj edhe rekomandoi që vaksina të përdorej tek njerëzit mes moshave 18-55.