Regjisori i famshëm Michael Bay (Armageddon, Transformers, Bad Boys 2) thuhet se po përballet me akuzat se një pëllumb u vra gjatë xhirimeve të “6 Underground” të Netflix pesë vjet më parë në Itali, por ai i mohon akuzat.
Sipas një raportimi të “Wrap”, autoritetet italiane akuzojnë regjisorin e njohur se gjatë xhirimeve të filmit në vitin 2018 është vrarë një pëllumb. Si në Itali ashtu edhe në pjesën tjetër të Evropës, pëllumbat janë një specie e mbrojtur dhe është e paligjshme t’i kapësh, plagosësh ose vrasësh. Madje policia ka si provë një foto të bërë nga një kalimtar i rastit.
Traileri i filmit në të cilin akuzohet se u vra pëllumbi
6 Underground me Ryan Reynolds | Trailer zyrtar | Netflix
Bay mohon të gjitha akuzat dhe pohon se ai kurrë nuk ka dëmtuar një kafshë në jetën e tij.
Më konkretisht ai ka thënë: Dihet që i dua kafshët dhe jam aktivist i madh i kafshëve. Asnjë kafshë e përfshirë në film nuk u dëmtua. As në ndonjë produksion tjetër që kam punuar në 30 vitet e fundit. Ne kemi prova të qarta video, dëshmitarë të shumtë dhe personel sigurie që na shfajësojnë. Dhe ata mohojnë foton e paparacëve, që japin historinë e gabuar. Ka një proces gjyqësor, ndaj nuk mund të hyj në detaje, por jam optimist se do të triumfojmë kur të vijë dita në gjykatë. Më ofruan nga autoritetet italiane një mundësi për ta zgjidhur çështjen duke paguar një shumë të vogël, por nuk pranova ta bëj këtë, sepse nuk do të pranoj fajin për plagosjen e një kafshe.
