Trepça ’89 është ekipi i parë nga Liga e Parë e Kosovës që ka sigurar inkuadrimin në elitën e futbollit kosovar edicionin tjetër.
“Minatorët” disa xhiro parafundit siguruan matematikisht titullin në Ligën e Parë dhe njëkohësisht inkuadrimin në elitë, shkruan Demokracia.com.
Një xhiro pasi arritën objektivin, 89-shi luan në shtëpi me Istogun, klubin tjetër nga Liga e Parë.
Këta të fundit kanë respektuar skuadrën mitrovicase duke ua bërë “kordonin e nderit” në shenjë respekti për të arriturën.
Pamjet i ka publikuar vetë klubi i Istogut në faqen zyrtare. /Demokracia.com/