Isa Myzyraj, gazetar dhe aktivist tregoi se 10 aktivistë shqiptarë të LGBT+ janë dhunuar nga ekstremistët serbë pas Paradës së Krenarisë në Beograd.

Myzyraj tha se aktivistët shqiptarë ishin dhunuar vetëm pak metra përpara se të hynin në hotel, edhe pse nuk kishin asnjë shenjë identifikuese nga EuroPride.

Ai tha për Euronews Albania se 2 prej grupit të aktivistëve shqiptarë kanë përfunduar në spital për shkak të dëmtimeve, ndërsa situata e tyre paraqitet më e mirë ditën e sotme.

Myzyraj denoncoi faktin se policia serbe nuk ka ndërhyrë edhe pse ishte vetëm disa metra më tej vendit ku ndodhi ngjarja.