Ish-sulmuesi i njohur, Samuel Eto’o do të kandidojë për pozitën e Presidentit të Federatës së Futbollit të Kamerunit.

Kjo është bërë e ditur nga vet Eto’o, përmes një postimi në llogarinë e tij zyrtare në “Tëitter”.

Eto’o konfirmon se do të kandidojë për pozitën e Presidentit në Federatën e Futbollit të Kamerunit.

Mes tjerash, 40-vjeçari ka thënë se këtë vendim e ka marrë nga dashuria për Kamerunin dhe pasioni për futbollin kamerunas.

Zgjedhjet në Federatën e Futbollit të Kamerunit do të mbahen më 11 dhjetor.

Ndryshe, Samuel Eto’o në të kaluarën ishte shpallur katër herë si lojtari më i mirë në Afrikë.

Ish-sulmuesi i Barcelonës e Interit gjithashtu është golashënuesi më i mirë në histori të Kombëtares së Kamerunit, me 56 gola në 118 ndeshje. /Demokracia.com