Ish-strategu i Trump, Steve Bannon i ka thënë komitetit të përzgjedhur të Dhomës së Përfaqësuesve që hetonte trazirat e 6 janarit në Capitol Hill se ai është i gatshëm të dëshmojë, sipas mediave amerikane.
Deri më tani ai kishte refuzuar të bashkëpunonte.
Në një letër të parë nga CBS News, avokati i tij i tha komitetit se Bannon “është i gatshëm të, me të vërtetë preferon, të dëshmojë në seancën tuaj publike”.
Trump tha se dëshmia do të ishte “në interesin më të mirë” të amerikanëve.
Komiteti i përzgjedhur ka kryer një hetim gati një vjeçar se si mbështetësit e Trump pushtuan Kongresin më 6 janar 2021 për të penguar ligjvënësit teksa ata vërtetonin fitoren zgjedhore të Biden.
Bannon u thirr për të dëshmuar për atë që dinte për ngjarjet që çuan në trazirat, por deri më tani ai kishte refuzuar të pajtohej.
Ai pretendon se ishte i mbuluar nga “privilegji ekzekutiv”, një parim ligjor që mbron shumë komunikime të Shtëpisë së Bardhë.
Megjithatë, në kohën e trazirave të Capitol Hill, Bannon nuk ishte këshilltar zyrtar i presidentit, gjë që komiteti thotë se do të thotë se privilegji ekzekutiv nuk zbatohet. /Express