Ish-portieri i Manchester United dhe legjenda e Rangers, Andy Goram, i është dhënë vetëm gjashtë muaj jetë, sipas mjekëve, pasi u diagnostikua me kancer terminal.

Thuhet se 58-vjeçari refuzoi kimioterapinë pasi iu tha se do t’i jepte vetëm 12 javë të tjera dhe tha se do të “luftonte si nuk kam luftuar kurrë më parë”, njofton DailyMail, transmeton Demokracia.com.

Goram fillimisht e ngatërroi sëmundjen e tij për dispepsi të keqe, por pas një skanimi në spitalin Monklands iu tha se kishte kancer të ezofagut të nivelit të katërt.

Ish-portieri luajti 184 herë për Rangers, duke fituar pesë tituj të ligës dhe tre kupa të Skocisë.

Ai ishte i preferuari i Sir Alex Ferguson, i cili i dha portierit të parën nga 43 ndeshjet e tij me Skocinë në vitin 1985 dhe e nënshkroi në huazim te Manchester United në 2000./Demokracia.com/