Chris Brown ka uruar ish të dashurën e tij, Rihanna pasi këngëtarja mirëpriti fëmijën e parë të saj dhe ASAP Rocky.

“Urime”, shkroi reperi, 33 vjeç, në InstaStory të enjten (19 maj), pak pasi u publikua lajmi për mbërritjen e foshnjës më 13 maj.

Reperi përfshiu tre emoji – një zemër të kuqe, një grua shtatzënë dhe duar që luten.

Foto: Getty Images

Nëna e re, 34 vjeçe, nuk ka folur ende për lindjen e djalit të saj dhe nuk është zbuluar emri i tij.

Rihanna zbuloi se po bëhet nënë në janar, gati dy vjet pasi miqësia e saj dhe 33-vjeçarit mori një kthesë romantik, shkruan Telegrafi.

Çifti filloi të takohej në mes të pandemisë së COVID-19, tha krijuesja e “Fenty Beauty” për “Vogue” në prill.

Foto: Chris Brown/Instagram

Para romancës së tyre, Rihanna ishte në lidhje me Hassan Jameel nga 2017 deri në 2020.

Rihanna më parë ishte në lidhje dashurie edhe me Drake, Travis Scott dhe Leëis Hamilton – por lidhja më famëkeqe e kantautores ishte me Brown.

Ish-çifti filloi lidhjen në vitin 2007, duke u ndarë dy vjet më vonë kur aktori sulmoi fizikisht Rihannën.

Brown u deklarua fajtor për sulm të rëndë dhe u dënua me pesë vjet lirim me kusht.

Kur ish-et u pajtuan në vitin 2012 , duke i dhënë një tjetër mundësi lidhjes së tyre për një vit tjetër, Rihanna e quajti zgjedhjen “gabimin” e saj për të bërë në një intervistë në janar të 2013.

Foto: Getty Images

“Vendosa se ishte më e rëndësishme për mua të jem e lumtur”, tha ajo për Rolling Stone në atë kohë.

“Nuk do të lejoja që opinioni i askujt të pengonte këtë. … Pasi u mundova për kaq shumë vite, duke qenë e zemëruar, unë do të preferoja thjesht të jetoja të vërtetën time”, kishte deklaruar artistja.

Në dokumentarin e Brown të ​​vitit 2017, “Welcome to My Life”, ai tha se Rihanna “nuk i besoi” atij më asnjëherë pas sulmit.

Në anën tjetër, Brown është baba i tre fëmijëve, vajzën Royalty shtatëvjeçare, të cilën e ndan me Nia Guzman, djalin dyvjeçar Aeko Catori me Ammika Harris dhe vajzën katërmuajshe, Lovely Symphani me Diamond Brown.