Ish-ministri gjerman për Evropë, Michael Roth, i ka bërë thirrje Bashkimit Evropian që ta mbajë premtimin për liberalizimin e vizave për qytetarët e Kosovës.

Roth, pas takimit me të dërguarin e Bashkimit Evropian për dialogun Kosovë-Serbi, Miroslav Lajçak, ka thënë se Ballkani Perëndimor i takon BE-së.

Përmes një postimi në Twitter, ai ka kërkuar nga BE-ja edhe nisjen e negociatave për pranimin e Shqipërisë dhe Maqedonisë së Veriut.

“Shtetet e Ballkanit Perëndimor na takojnë dhe meritojnë më shumë se veç fjalë goje. BE-ja duhet t’i mbajë premtimet: Duke nisur nga bisedimet për pranim me Shqipërinë dhe Maqedoninë e Veriut, e liberalizimin e vizave për Kosovën”, ka thënë ai.

Roth kishte shërbyer në postin e ministrit shtetëror për Evropën në periudhën 2014-2021, nën Angela Merkelin. /Demokracia.com/ 

Dear @MiroslavLajcak,thanks for your visit+your great work.The Western Balkan states belong to us+deserve more than lip services. EU must keep its promises: starting accession talks with Albania?? +North Macedonia??,visa liberalisation for Kosovo?? .Democracy+rule of law matter. pic.twitter.com/z92kB0I4bo

— Michael Roth MdB ???? (@MiRo_SPD) March 29, 2022