Ish-fituesi i Topit të Artë, Igor Belanov, është bërë ikona e fundit sportive ukrainase që ka marrë armët në mbrojtjen e vendit të tij kundër Rusisë.

Belanov, 61 vjeç, fitoi Topin e Artë në 1986 dhe është një nga tre ukrainasit që fituan çmimin e lakmuar, së bashku me Oleh Blokhin (1975) dhe Andriy Shevchenko (2004).

Ish-sulmuesi, i cili luajti për Chornomorets Odessa, Dynamo Kiev dhe Borussia Monchengladbach gjatë karrierës së tij si lojtar, shkroi në Facebook të hënën për të shprehur mbështetjen e tij për ushtrinë e Ukrainës.

Ai postoi një seri fotografish në llogarinë e tij, ku përfshihej njëra prej tij duke mbajtur një armë në vijën e frontit në Ukrainë.

“Guxim i mahnitshëm dhe shpirt i pashtershëm luftarak,” shkroi Belanov.

“E gjithë kjo dhe shumë më tepër karakterizojnë ushtarët tanë të Forcave të Armatosura të Ukrainës. Ne jemi me ty”.

“Paqe Ukrainës dhe Lavdi kujtdo që përballet me pushtuesit që erdhën me guxim për të shkatërruar tokën tonë dhe popullin tonë të lirë e heroik”.

Belanov regjistroi 33 paraqitje për ish-Bashkimin Sovjetik midis viteve 1985 dhe 1990 dhe ishte pjesë e ekipit që arriti në finalen e Euro 1988, ku humbi ndaj Holandës.

Dy vjet më parë, ai ishte një fitues surprizë i Topit të Artë pasi ndihmoi Dinamon e Kievit të fitonte Kupën e Kupave Evropiane./Demokracia.com/