Banorët dhe opinionistët dhanë mendimin e tyre lidhur me raportin e ndërlikuar të krijuar mes Luizit dhe Kiarës.

“E kam studiuar me kujdes marrëdhënien e tyre dhe mendoj se çifti të dobëson. Luiz refuzimi të dobëson. Marrëdhëniet janë rrugë me dy korsi dhe jo korsi me një drejtim. Për mënyrën se si e perceptoj unë dashurinë, shoh bezdisje nga ana e Kiarës. Dhe unë mendoj njësoj, Luizi është toksik, nuk i lë hapësirë Kiarës. Unë lexoj gjuhën e trupit. Kiara ndihet e bezdisur nga ajo çka i ofron ti. Heshtja e saj nuk të duket një përgjigje”, tha opinionistja e programit Zhaklin lekatari.

Ndërkohë, Luizi më pas reagoi duke thënë: “Ti po thua zgjidh, vazhdo ose lojën ose Kiarën? Unë zgjedhjen time e kam bërë publike. Unë kam hyrë të fitoj, por sa kam hyrë në këtë prag kam parë këtë vajzën”.

E sigurisht një deklaratë nuk ka munguar edhe nga Kiara, e cila është shprehur se ka nevojë për kohën e saj që të mendojë mbi raportin e saj me Luizin.

“Realisht më ka ardhur shumë keq që mendojnë se unë po bëj lojë. Do mundohem me mish e shpirt ti nxjerrë anën e mirë Luizit, prandaj edhe stepem, dua ti zbuloj anën e mirë”, ka thënë Kiara.

“Jo nuk është e vërtetë. Do i lë gjërat të rrjedhin, dua ta njoh më shumë Luizin. Më duhet më shumë kohë për ta menduar se me cilin person do e kaloj jetën time, jam 27 vjeçe”, tha më tej moderatorja.

E duke qenë se ka kërkuar kohën e saj për të vendosur, si për ironi të fatit, loja e Big Brother VIP Albania do ta mbajë atë për tre ditë larg Luizit.

Kjo pasi ai doli triumfues në garën e “The Voice of Big Brother” së bashku me Efin, ku si shpërblim morën izolimin në një dhomë të veçantë, duke u detyruar të kujdesen për një “bebe”.

Ky qëndrim për ta në atë zonë do të vlejë deri të martën, me ç’rast ata nuk do të kenë asnjë kontakt me banorët e tjerë të shtëpisë.