Interi ka fituar me rezultat 2-1 ndaj Paris Saint-Germain në një miqësore të zhvilluar gjatë ditës së sotme (e martë).

Klubi italian dhe ai francez janë tash e disa ditë në përgatitje para-sezonale në Japoni, ku kanë zhvilluar edhe disa ndeshjes.

Njëra nga to ishte edhe kjo e sotmja e zhvilluar mes tyre në “Neë National Stadium” të Tokios, të cilën e fituan Nerazzurrët.

Megjithatë, fitorja e Interit erdhi vetëm me rikthim dhe në minutat e fundit, pasi të parët në epërsi kaluan francezët.

⏸ It's halftime in Tokyo. Opportunities but no goal in this first period.#PSGInter I #PSGJapanTour2023 🇯🇵 pic.twitter.com/pYXCAax0FE

— Paris Saint-Germain (@PSG_English) August 1, 2023

Pjesa e parë e ndeshjes u karakterizua me dominim të francezëve, por edhe përkundër rasteve të shumta, portat mbeten të paprekura.

Në pjesën e dytë, u shënuan tri golat e ndeshjes, ku goli i parë erdhi me anë të Vitinha (63’), i cili kaloi PSG-në në epërsi 1-0.

Në minutën e 81-të ishte Sebastiano Esposito, i cili barazoi shifrat për 1-1, ndërsa në minutën e  83-të shënoi Stefano Sensi golin e fitores 2-1.

A late Nerazzurri turnaround 👏⚫🔵#ForzaInter #InterJapanTour2023 #PSGInter pic.twitter.com/ULU5yYcSOX

— Inter (@Inter_en) August 1, 2023